Знойдзенае цела 18-гадовага Юрыя Лука, які 22 верасня прыехаў у Салігорск і знік. Пра гэта паведамілі валанцёры пошукава-выратавальнага атрада «Анёл».
Паведамленне пра гібель хлопца валанцёры апублікавалі ўвечары 24 верасня.
«Лук Юрый Леанідавіч, 18 гадоў, знойдзены, гібель. Знойдзены валанцёрамі ПВА „Анёл“ Салігорска — Слуцка падчас пошукавых мерапрыемстваў», — гаварылася ў пасце.
Юрый Лук знік 22 верасня. У той дзень ён прыехаў у Салігорск і перастаў выходзіць на сувязь.